Como cada setembro abrimos unha porta chea de posibilidades. O inicio de curso é moito máis que unha data no calendario. É a ocasión perfecta para planificar e, sobre todo, facer comunidade.
A escola non é só un lugar onde aprender materias, senón tamén un espazo de encontro entre familias, alumnado e profesorado. Aquí creamos vínculos, compartimos esforzos e celebramos xuntas e xuntos os pequenos grandes logros de cada día.
Este ano queremos lembrar algo importante: a ANPA non é unha entidade allea, senón a suma de todas e todos nós. O seu labor é esencial para dar vida a moitas das actividades que fan que o cole sexa especial. Sen o apoio das familias, a ANPA non pode funcionar.
Por iso, animámosvos a participar, a asociarvos e a formar parte activa desta gran aventura. Canto máis sumemos, máis forte será a nosa voz e mellores experiencias poderemos ofrecer ás nosas fillas e fillos.
Arrinca un curso cheo de ilusións, retos e aprendizaxes compartidas.
A túa participación é fundamental para seguir crecendo xuntas!
A ANPA somos todas.
Xuntas e xuntos facemos comunidade.
Ningún comentario:
Publicar un comentario